Jowai: U Dolloi ka Elaka Rymbai, u Elios Swer ha ryngkat u pyrsa jong u bad u kynum jong u kila ngam jyllop ha ka wah Prang mynta ka sngi hadien ka jingwan kyndit ka umsaw namar ka jingslap na kiwei pat ki bynta jong ka District.
Myn hynnin ka step, u Dolloi ha ryngkat u pyrsa jong u bad u pyrsa jong u ubym pat shym la ioh kyrteng bad u kynum jong u u bym pat shym la ioh kyrteng ki la leit kwai dohkha ha ka wah Prang bad ynda poi ha katei ka wah ki la shong da ka lieng kynda ban kam sha shilliang jong hynrei ha katei hi ka por kyndit la wan ka umsaw ban pynkylla ia ka lieng jong ki.
Ka tyllong khubor ba tikna ka la iathuh ba ki don haduh 6 ngut ha katei ka lieng kynthup 4 ngut na ka shnong Rymbai bad 2 ngut na ka shnong Kwator.
La iathuh ba ha ka por ba wan ka um saw, kitei ki nongkwator arngut ki la kynthih na ka lieng da kaba pyrta ruh ban kynthihlang hynrei kitei ki saw ngut na Rymbai kim shym la leh kumta ka lieng kala kylla bad lai ngut ki la iap katba uwei u la lait im hadien ba u la ioh bat ha ki phlang sharud wah. Ki ar ngut ki Nongkwator ki la jngi bad ki la lait im.
Ia ka metiap u Dolloi bad kiwei pat ym shym la ioh sei haduh ka por ba thoh ia kane ka khubor. Kiwei kiba la iap ha katei ka jingjia, ki long U Rishanlang Swer, u samla pule B.Sc, nangta sa u kynum jongu, U Chanbistar Kharkongngor, uba trei mechanic ha lad Rymbai.
Ym baroh 2ngut ki nong kwator, uwei u dei na ka shnong bataw,