Ud ki paidbah ka Mawthungkper, ba jot ka surok Kynroh haduh Mawkaton

Nongstoiñ: Ki nongshong shnong ka thaiñ Mawthungkper, Jaidoh, Mynni Mawbri bad kiwei kiwei ki shnong ba marjan kila ut la nam namar ka jingnang sniew palat jong ka surok na Kynroh haduh Mawkaton ha kaba ki paidbah ki la iakynduh jingeh ha ka iaid ka ieng, khamtam haba pang ba shitom.

Katkum ka tyllong khubor ba la phah da u Samla Khrawbor Shangrit Secretary ka HYC Lai Lyngdoh Area Unit, u la ong ba wat la katei ka surok kala don hapoh ka skhim PMGSY ba la mang ban trei haduh 7 KM naduh Kynroh haduh Mawkaton bad la sanction 4 klur tam eiei bad la mang ruh pyndep hapoh 10 June 2020 kata ka long katkum ka signboard bala pynieng ha Mawkaton.
“Hooid ka thain kala sngew nguh ia u Contractor ba u la wan maramot ia katei ka surok ha kane ka lyiur ba la dep kata na ka thain Kynroh haduh Jaidoh, kumjuh la dep sdang theh maw naduh Mawkaton haduh Mawsnarih, hynrei ki paitbah ki kyrpad ba un sdang biang namar kala jinjar eh namar naduh Kynroh haduh Jaidoh bad na lyndet Mynni Mawbri haduh Mawshongkhyndew kala sniew eh kala buh jingeh ia kiba leit iew Markasa bad Shillong bad ha Nongstoin kumjuh” ong ka kyrwoh na u tei u nongialam ka HYC.
Shuh shuh u la ong ruh ba na ka liang ka HYC Lai Lyngdoh Area Unit ka kyrpad bad dawa jur ia u Contractor ban wan bteng biang ban trei namar kapor kala biang ban trei mynta lait ia ka lyiur bad khnang ba un pyndep ha kapor ka ba biang bala buh lada um lah pyndep ggin ym ailad kum ka seng namar ba ka Seng kala iohi ia ka jingjynjar u paitbah haka iaid ka ieng kiba leit wad dawai ha Shillong kiba iaid na kane ka jingsniew ka surok kila jynjar, bad kumjuh ki paitbah ka thain Mawskuin, Nongklung, Mynni Mawbri, Mawkynrum, bad kiwei ki jaka kiba iaid leit iew ha Markasa.