Rai ka RBMTMCA ban pynhiar, bai Sumo na Bhoirymbong-Shillong

Nongpoh, 11 Jylliew:
Ka bai sumo na Shil long sha Bhoirymbong ne na Bhoirymbong ban kiew sha Shillong kan hiar noh naduh ka 16 tarik Jylliew, 2014, la ong u president ka Ri-Bhoi Mihngi Tourist Maxi Cab Association (RBMTMCA), u Bah Bar nabas Nianglang.
Katkum ka rai kaba la long hynnin ka Sngi Hatmajai ha madan Kurka lang Bhoirymbong, ka RBMTMCA ka la rai da kawei ka jingmut ban pynhiar noh da shiphew tyngka ia ka bai kali kum ba la ju shim baroh shi katta bnai, kata na ka T.40 sha ka T.30 shi khlieh briew.
Katei ka rai la shim da ka jingdon lang ki trai kali sumo bad ki draibar jong ki, kiba don hapoh ka shatri jong ka RBMTMCA, kaba long ka rai ban ai ia ka jingiatreilang bad ki paidbah, na ka bynta ki nongshong shnong kiba ju kiew na Bhoirymbong sha Shillong man la ka sngi bad na ka bynta ki nongtrei kam sorkar ha ki tnat bapher bapher kiba don sha katei ka thaiñ bad na ka bynta ki nonghikai bad ki khynnah skul, kiba hap ban beh por ban poi sha ki jaka pule, la ong utei u nongialam katei ka seng.
Kumta, kane ka seng ka la rai ruh ba kane ka jingpynhiar ia ka dor bai kali sumo kan treikam noh naduh ka Sngi Nyngkong jong ka taiew ban wan, kata ha ka 16 tarik Jylliew, 2014, khnang ba ki paidbah kin tip bad leh ia kaba donkam, ha kaba na ka liang katei ka seng ka kyrpad lang ruh ia ki paidbah ban ai ia ka jingiatreilang bad ka Association khnang ban pyntyllun ia ka jingshakri jong ki sumo kamai kiba ju kiew bad hiar man la ka sngi sha katei ka thaiñ.