Sam dawai ei ka Hospital na Assam, ia 41ngut kiba pang niang dait na Garo Hills

Shillong: Ka Voluntary Association for Social Upliftment (VASU), ka la ialam ia ki 41ngut ki nongpang, kiba pang niangdait mynta ka sngi, ba kin shah sumar ha Gauhati Medical College & Hospital, Guwahati.

Kitei ki nongpang, ki don 27ngut na Mahendraganj bad 13ngut na Ampati.
Na kitei kiba leit shah sumar mynta ka sngi, la iathuh ba 2ngut ki don kiba ioh ia ka jingpang prum (Psoriasis) bad kiwei pat ki don ia kiwei ki jingpang niang diat Scabies bad Tinea.
Kitei kiba ioh ia katei ka jingpang Psoriasis, kin hap ban dih dawai tista, katba kito kiba ioh ia ka jingpang niangdiat, ki lah ban shah sumar bad ki dei kiba lah ban pynjem.
Kitei ki nongpang, ki ioh dawai ei, na katei ka hospital GMCH bad ki don pat katto katne ki dawai, kiba kim ioh na katei ka hospital bad ka VASU, ka dang thawlad ban ioh nongiarap na bynta kitei ki bym ioh dawai
Ki samla pule jong ka USTM, ki la ia kynduh ruh ia kitei ki nongpang bad ki la ai jingmut ia ki, ba kin sumar ialade bad ki la ai ei ruh shibun ki kynphad bad ka dettol ba kin pyndonkam.