Shut reng bad pynkhih ksah ka Meghalaya sha ka North East Santosh Trophy

Shillong: Ka kynhun ialehkai phutbol ka jylla ka la pynkhreh ban leit iashim bynta ha ka lympung Santosh Trophy North East qualifiers ban long ha Agartala.

Ka Meghalaya Football Association ka la shim ia ka rai ban leit iashim bynta sha kane ka lympung ialehkai ha kan don sa tang ar taiew ka por ban pynkhreh ia ka kynhun ka ban leit iakhun bad kan iakhun pyrshah ia ka Railways ha ka 23 tarik mynta u bnai.
Ha ka jingshisha, ka MFA ka la pynbna ban ym leit shim bynta hynrei ha ka jingialang dang shen ka shim ia ka rai ban iaid shakhmat ban shim bynta.
Watla ka por ban register ia ki nongialehkai la buh shwa ka 10 tarik mynta u bnai, hynrei ka All India Football Federation ka la pynjynsur na bynta ka Meghalaya.
Ka MFA kan pynlong ia ka jingjied ia ki khynnah mynta ka taiew ha Shillong, bad ka kynhun kan hap ban mih na jylla ha ka 19 tarik Nailur ban leit sha Tripura.