Jur ka jing kiewdor ha ki jaka sor, ba remdor ka dud, pylleng, ong U Governor ka RBI

New Delhi: U Governor ka RBI, U Shaktikanta Das, ula kynnoh ba ka jingkiew jong ka dor ka mur ha kine ki sngi, lane ka inflation, ka dei namar ka jingkiew dor eh jong ka pylleng bad ka dud bad u ong ruh ba ka jing kiewdor kam ktah eh satia ha ki nongkyndong, namar ba ki nongkyndong kim ju dih dud.

“Ka jingkiew dor ha ki jaka sor, ka dei eh namar ka jingkiew dor jong ka dud bad ka pylleng. Ha ki nongkyndong, ka jingthied dud kam da don satia bad ka jingthied dud, ka jur bha tang ha ki jaka sor bad ka dud, ka kiew dor shibun ha kylleng ka Jylla” ong U Das, haba iakren ha ka prokram telebishon jong ka CNBC-TV18.

Ka jingkhein halor ka jinglong jong ka dor ka mur ha india lane ka consumer price index (CPI), ka pyni ba ka jinglong ka dor, ka long 3.21 per cent ha U Nailar 2019, katba ka long 3.15 per cent ha U Jylliew 2019.
Ka jingkiew dor ha ki nongkyndong, ka long 2.18 per cent, na kaba long 4.49 percent ha ki jaka sor ha U Nailar 2019 bad nangta ka long 2.19 percent ha nongkyndong bad 4.22 percent ha ki jaka sor, ha U Jylliew 2019.