Shillong: Ha ki saw sngi ba la dep, ki pulit ka East Jaintia Hills, ki la ioh kem ia 14ngut ki poiwir ha ki bynta bapher jong katei ka District.
Na kitei ki 14ngut, ki don 12 ngut, kiba don ia ka passport jong ka Nigeria, nangta uwei na Ivory Coast bad sa uwei uba khlem passport. Kine baroh, kim don kawei ruh ka visa ban rung sha India.
Kine kiba shah kem ki long U Ngyigide Jamina Okenchukwu (48), U Okeke Ifechukwu John (27), U Koman Daniel (21) bad kitei ki dei kiba shah kem ha ka 13tarik Nailur 2019.
Nangta sa u Thomson Chizoram Nwafama (29), U Chijioke Agustus Obiocha (28), U Desmond Chiemela Uzochkwu (25), U Okoliegbe Henry Onyedika (33), U Okeke Ugochukwu Justin (32), U Chukwunyere Chinaza Christian (30) kiba shah kem ha ka 14tarik Nailur 2019, nangta sa U Amada Chinedu Kingsley (32), U Ohajiuba Malachy (22), U Obey Sunny (38), kiba shah kem ha ka 15tarik Nailur 2019, nangta sa U Chidera Stanley Enemmuo, U Nnaemeka Joshua Anorue (35), kiba shah kem ha ka 16tarik Nailur 2019.
Ka kyrwoh na U Vivekanand Singh, Superintendent of Police, East Jaintia Hills District, Khliehriat, ka iathuh ba kitei ki briew, ki wan na Nigeria sha Dhaka, ha ki tarik bapher bapher. Na Dhaka, la ialam ia ki ha ki kynhun bapher da ki kali, sha ka jaka, kaba kim tip satia ha khappud ka India Bangladesh bad kitei ki rung sha India da kaba iaid kjat bad mar ia poi ha India, la ialam ia ki, da kiwei pat ki briew bad hadien kata ki iaid da ka kali sha Silchar bad nangta ki leit da ki bos ban leit sha Guwahati.
Ha ka jingtohkit jong ki pulit, la iathuh ba kitei ki Negro, ki dei ki snar ialehkai phutbol bad ki wan rung sha India ban rung ha ki club bapher ban ioh ialehkai phutbol bad ban trei kam thain jain ruh. Ki pulit ki pyntip ba lada ki don kiba iohi ia katei ka jingrung jingmih kaba shon khmat ba kin phone ha ki number 9485178835 bad 7005225721.
Phi don ban ong eiei?