Rung phainal ka Nongthymmai ba pynliem ia ka Jongksha

Shillong: Ka Nongthymmai SC ka la rung sha ka phainal ka second division Football League ka Shillong Sports Association (SSA) hadien ba ka la pynliem ia ka Jongksha da 4-2 kol lyngba ka tie breaker ha ka jingiakhun semifinal ba nyngkong mynta ka sngi ha madan Polo, Shillong.

Ha ka jingiakhun ka Nongthymmai ka la thep ia ki ar kol lyngba u B Taro ha ka 37 bad 40 minit jong ka kylla step.
Katba ka Jongksha ka la pynphai kylla ar kol ha ka kylla miet da u F Rynjah ha ka minit kaba 60 bad E Kharshohnoh ha ka minit kaba 77 bad ka jingiakhun ka la kut ha ka jingiakhaid da 2-2 kol.
Dei lyngba ka tie breaker ka Nongthymmai ka la pynliem ia ka Jongksha da 402 kol.
Ka jingiakhun semifinal ba-ar kan long lashai ka sngi hapdeng ka Laitkor SC bad Umphyrnai SC ha ka por 3.30 baje.