Ha ka kyrkieh bad bym nang pule, shu shah pynsoi jubor ia ki kot ki sla, ong u myntri Hima Sohiong, halor ka jingdie Nongwah Mawtamur

Shillong: U Bah S. Janong uba dei u myntri ka Hima Sohiong u la pyntip lyngba ki lad pathai khubor halor ka jingpynshai jong u ia ki khun ki hajar jong ka Hima Sohiong Lyngdohship Sohiong hadien ka jingmih khubor myn ha ka 11 tarik u Nailur 2019 ia ka jingdon bynta jong u ban die duh noh ia ka Shnat Hima Nongwah Mawtamur kaba hap hapoh ka Hima Sohiong kaba kynthup haduh kumba 20 tylli ki shnong shaduh sha khappud Assam.

Ha ka jingpynshai jong u ha ki lad pathai khubor u ong ba namar ba um shym lah ban poi ha ka jingialang ba ka la khot da u K.P Pangniagg u EM Incharge Elaka Khasi Hills Autonomous District Council, la shu phone kyrkieh ia u da u Lyngdoh Bashemphang Thabah bad hadien ba u la poi habar jong ka jingkhang ka Ophis District Council ki la shu phah sign jubor ia ki kot ki sla bad namar ka jingkyrkieh bad ka jingbymnang ban pule u la kum sign, u la pynshai ruh ba u khlem don bynta ei ei ha ka kam pisa pilain ba la iasoi.

Halor kitei ki jingshisha u S. Janong u pynpaw ka jingsngewsih bad u panmap ruh ia ki khun ki hajar jong ka Hima Sohiong baroh kawei bad khamtam ia ki nongialam jong ka JAC Hima Sohiong.