Khlad u Pulit ba shah syllad ha kawei ka kali ha Nongpoh

Nongpoh: Ha kawei ka jingjia aksiden kaba la jia hynnin ka janmiet ha ka por 6 baje ei ei janmiet ha Nongpoh mar pyrshah ka Nongpoh Police Station, uwei u Pulit uba la tip kum u H. Sangma, u la khlad noh hadien hadien ba u la shah syllad ha kawei ka Maritu Brezza kaba don ia u number ML-05-R-3139.

Ka khubor na ki Pulit, la iathuh ba katei ka kali kaba la niah da u Issac Lalsiemthar, ka dei kaba mih na Guahati da ka jingthmu ban leit sha NEPA Umsaw, hynrei haba la poi ha katei ka la kum leit syllad ia utei u Pulit uba dang thmu ban kam sha shilliang ka surok.

Tang mar ia syllad ia utei u Pulit, u nongniah jong katei ka kali, u la rah mar mar sha Bethany Hospital ha Nongpoh, hynrei namar ba la jur palat ka jingmynsaw, utei u Pulit u la khlad noh na sla pyrthei.