Pynliem ka Lajong 2 kol ia ka Langsning ha ka SPL

Shillong: Ka Shillong Lajong ka la buh kynmaw sha ka jingjop kaba lai sien hadien ba la pynliem ia ka Langsning FC da 2-0 ha ka jingiakhun ka Shillong Premier League 2019 ha kane ka sngi JN Stadium Shillong.

Ia kine ki kol ka Lajong la thep da u Kenstar Kharshong bad u Freestar Kharbangar.

U Kenstar u la ioh ban thep ha ka 13 lyngba ka bol kaba la pynbuh da u Naorem Mahesh katba ia kawei ka kol la thep da u Freestar Kharbangar ha ka 90+3 minit.

Ka Lajong ka la kamai 9 point na ki saw tylli ki jingialehkai ha kane ka Shillong Premier League. Kan iakhun pyrshah sa ia ka Rangdajied ha ka 20 tarik Nailur 3:30PM.