Nongpoh: Naduh ka sngi kaba ka Assam, ka la pynbna ia ka jingdon jong ki 19 lak ki briew ha Assam, ki bym shem la rung ha ka thup NRC, na ka liang ki Pulit kiba don ha Anti Infiltration Check Gate Byrnihat, halor kane la ioh jingtip ba ka jingtalasi ia ki briew, kiba rung sha Meghalaya, ka la long pyrkhing bha.
Mynta ka sngi, kitei ki Pulit kiba ap ha katei ka jaka, ki la ioh ban pynphai ia ki 12 ngut ki briew kiba kam ialade ba ki dei ki Boro na Assam, hynrei namar ka jingbymdon ia ki kot ki sla ba kin pynshisha ialade, ki Pulit kiba ap ha katei ka jaka, kim shah ban rung sha Meghalaya, hynrei ki la pynphai ia ki na ka jaka kaba ki wan.
Lah ruh ban kdew hangne, ba dang shen kitei ki Pulit, ki la behthong ia kawei ka trok kaba kit ki briew ki bym don ia ki kot ki sla kiba biang, ha kaba ki la lap ha Toll plaza ha Pahammawlein bad ki la pynphai noh ia baroh kitei ki briew, kiba la thmu ban wan rungtuh sha Meghalaya.
Phi don ban ong eiei?