Shillong: Ki nongleit kai, kiba wan khmih kai ia ka jing itynnad jong ka kshaid Hati (Elephant Fall), hynnin ka sngi saitjain ki la dap da ka jingsngew lyngngoh, haba ki lap ba kane ka kshaid ka la kylla rong kum ka rong shadud ryngkat bad ka jingsma iwtung.
Haba ia kren u Rupang na ka liang u treasurer jong ka seng San Shnong Youth Welfare Organisation (SSYWO), u bah Teilang Rynjah u la iathuh ba ka jingkylla rong shadud jong ka kshaid Elephant Fall, ym lah ban kynnoh ba ka dei ka tnad Airforce ka ba pyntuid ia kine ki jakhlia.
“Ka um ka wan naduh u Lum Shillong ter ter sha Lumdiengjri,ka sa mih sha Airforce areabad kan sa wan tuid sha Umdiengpun kaba dei ka Kshaid Elephan Fall te ngin ym lah ban kynnoh ia ka tnad Airfore ki ba pyntuid ia ki jakhlia.”
U la ia thuh ruh ha ki snem ba la dep ka la don ba ka um ka la kylla jaboh kumne, hynrei yn da wad ka daw ngi lap ba dei na ka jingtuid ka ja khlia na ka sem masi ba dei peit ka tnad Veterinary, kumta ynda la ioh ia kren ia u director ka veterinary bad u la kular ba un shim khia naduh to ki por kam ju don shuh kum ka ne ka jingwan tuid ka jakhlia.
“Hynrei mynta ka kynti ka jingjakhlia kane ka um khamtam ha ka sngi saitjain ka lah ruh ban long ruh na ka jingtih khyndew ne pynjakhlia jong no jong no.Ngin hap ban buh ia ka joint inspection ban leit jurip ia ki tei ki jaka hynrei ngim lah ban shu kynnoh ia ka tnad Veterinary ne ka tnad Airforce”u la ong
U bah Teilang u la iathuh ba mynta ka sngi u Blei kane ka um ka la khuid biang. Kane ka lah ruh ban long ba ym don ba pyntrei mynta ka sngi. Na ka liang ka liang ka SSYWO kin sa leit jurip bha ban wad ia ka daw ka jingwantuid ka um jakhlia sha ka ne ka Kshaid.
Phi don ban ong eiei?