Shillong: Ka Seng Samla Bhalang Nongkhyriem, Nongthymmai ryngkat ka jingiatreilang bad ophis jong ka Nehru Yuva kendra Sangathan(NYKs) Shillong, Ministry of Youyh Affairs & Sports,Govt. of India ka la pynlong ia ka prokram kaba shisngi, kata ka Block Level Neighbourhood Youth Parliament ba hap hapoh ka Mawpat Block ha Dinet Manik Syiem Memorial Higher Secondary School, Nongthymmai ha ka 6tarik Nailur 2019 ryngkat ka jingiadonlang u Samla Wansuk Kharkongor (National Youth Volunteer) jong kane ka Block.
Ha kane ka prokram la khot sngewbha ia ki riew shemphang, kiba la ai jingkren bad sam ki symboh pyrkhat bad ki jingnang jingtip sha ki khynnah bad samla. Ki saw ngut ki long U Dr. Jemino Mawthoh, Ex MLA Nongthymmai, Bah Joshua Rynjah, Lecturer Department of English, St Mary’s College, kong Ebiangmidaka Kharshandi, ANM Nongthymmai UPHC bad U Bah Anthony Syiemiong, Director Manbha Foundation, Shillong.
La pyniaid ia ka prokram da U General Secretary jong ka Seng Samla Bhalang Nongkhyriem, Samla Synsharlang.L.Rngaid bad la ioh ia ka jingpdiang sngewbha ia baroh kiba la poi sha kane ka prokram da U President ka Seng Samla Bhalang Nongkhyriem, Samla Bankerlang Kharpran. La ioh ia ka jingkren nyngkong na U Dr Jemino Mawthoh ba la kren halor ka phang “Environment Conservation and Volunteerism” ha kaba u nongkren u la kham ban ha kaba iadei bad ka khuid ka suba ha ki sawdong sawkun ha la ki jong ki shnong ki thaw ne ha ki jaka pule bad kyntu ruh ban long barabor kiba leh khuid da kaba sdang shuwa na la ki jong ki iing ki sem. U la pynsngew ruh halor ka jing pyndonkam ia ki plastik bad ka jingjot ba mih na ka, u la pynkynmaw ruh ba ha ki por khynnah jong u mynshuwa ki kham pyndonkam bha da ka pla iew ha ka por leit siew sha ki iew ki hat ban ia ki plastik bad kyntu ruh ia baroh kiba don ha kane ka prokram khamtam ia ki khynnah bad samla badei ban sdang shuwa na lade ia ka sien jam kaba rit ban wanrah ka jingbha ha kino kino ki bynta jong ka imlang sahlang. La pynsngew bad kyntu ruh ban don ka jing kitkhlieh bad ka mynsiem iatreilang ban kyntiew ia ka shnong ka thaw, ka jylla bad ka ri hi baroh kawei.
U Bah Joshua Rynjah Lecturer Department of English St Mary’s College,Shillong halor ka phang “Education” ba la batai ha kaba dei bad ka jingmyntoi lada long kiba nang ban pule ban tip ha ka thoh ka tar bad ki jingmyntoi jong ka bad kumjuh ruh u la pynsngew ha kaba iadei bad ka jingnang jingtip bad ka jing pyndonkam ia ki kor komputor khamtam ha kane ka juk ba mynta ha kaba kiei kiei ki kam baroh la iaid online bad kumjuh ruh u la pynsngew ha ka jing pyndonkam ia ka social media bad ban long kiba kham adkar kumno ban pyndonkam ia ka. Shuwa ban shong u la pynsngew ia kawei ka kyntien, kata ha ka ktien nongwei “THINK before You SHARE”.
La ioh ruh ka jingkren na ka kong Ebiangmidaka kharshandi ANM Nongthymmai UPHC halor ka phang “Health,Family Welfare and Nutrition” ba la batai ha kaba iadei bad ka koit ka khiah bad khatduh la ioh ka jingkren na U Bah Anthony Syiemiong Director Manbha Foundation,Shillong ba la kren halor ka phang “Social Issue” kaba iadei bad ki jingkyrni ha ka jingdih pynbuaid u Drok bad Ka Kyiad ha kaba u la pynsngew sha ki khynnah, uei u Drok bad kiei ki jingsniew ba har rukom kaba pynmih shisien ba la kyrni ha ka jingpyndonkam ia u Drok bad ka jingktah ia ka iing ka sem, imlang sahlang bad kumjuh ruh ba ha kine ki sngi ka jing jyllei jong une u jait jngdih. La pynsngew ruh ia ka jingbun jong ki briew ba kyrni ha une u jait jingdih ki nangkiew man la u snem bad kyntu sha ki khynnah ban kiar na kine ki jait jingdih .
La ioh ruh ka jingkren na I Principal jong ka skul , ha kaba I la ai khublei ia ka Seng Samla bad pynsngew ruh ba ki long kiba donbok tam ha kane ka step ban ioh bynta ha kane ka prokram, ban iohsngew ia ka jingkren na ki Resource Person ha ki bynta bapher bapher bad ka long kaba myntoi bha ia ki khynnah bad kumjuh ia baroh kiba ia don ha kane ka sngi.
Phi don ban ong eiei?