Yn iaid beit ka pakhang shnong ba 72 kynta ki 17 shnong

Shillong,2 Jylliew:
Ka Dorbar Dong Namchiang kaba kynthup 17 tylli ki shnong kiba don hapoh ka Elaka Narpuh, ka la pynlong ia ka jingialang paidbah ha ka 28 jymmang ha Dorbar Hall Umkiang, ha katei ka jingialang la wan ban shim bynta baroh ki Rangbah shnong ka thain, ia ka jingialang la pyniaid da U Tymmenbah (Chairman) Ma Atiar Bamon Rangbah shnong ka Tongseng, U Secertary Ma Andreason Masar rangbah shnong ka shnong Pyrtakuna, don lang ruh U MDC ka thain u Ma Deceous pohshna.
Katei ka jingialang a kawei ka sur ka la shim ia ka rai ban khot pynlong da ka pakhang shnong kaba 72 kynta kata naduh ka 4 tarik u jylliew naduh ka por 5 baje mynstep haduh ka 7 tarik u jylliew 2014 ha ka por 5 baje mynstep. Ka Dorbar shnong ka la shim a ka rai ban pakhang shnong kum ka dak ka jingpynbor ia ka sorkar jylla ban maramot noh ia ka surok NH-44.
Kat kum bala paw ha kine ki por bala dep ka elaka narpuh ka la shim da ka Rai ban pakhang shnong ,hynrei u DC ka East jaintia Hills u la phah da ka jing thoh sha u Doloi ka Elaka narpuh bad Copy sha ki Rangbah shnong baroh kat kum ka shithi No:EJD/rev 18/2012/75 dated Khliehriat 7th may 2014 la iathuh ba ka NHAI ka la mang pisa bad ka pyntreikam ruh . Hynrei ka kyrwoh na ki bor shnong ki la iathuh ba haduh mynta ym pat i don dak ei ei ruh ia kata ka jing trei surok.
Ka Dorbar Dong Namchiang ka kyrpad ruh ia ki paidbah ba kin ia snoh kti lang bad maham ruh ha ka juh ka por ia ki riew shim kabu ban ym leh kano kano kam kaba pynsniew ne pynjot namar la jia ka Dong kan nym kit khlieh ei ei bad kane ka jing iakhih ka dei ban long kaba shong suk shongsain ban wan rah ka jing myntoi ia ki paidbah.
Ha kawei pat ka khubor, na ka liang ka KSU Lumshnong Unit katkum ka jingpyllait khubor na u General Secretary jong ka ka la pynpaw ba ka kyrshan pura ia ka pakhang shnong bad pakhang surok jong ki 17 tylli ki shnong kiba don hapoh ka Dorbar Dong Namchiang kiba hap hapoh ka Elaka Narpuh, East Jaintia Hills District kata naduh 4 tarik u jylliew haduh 7 tarik halor ka jingsngap mynthi ka Sorkar ban maramot ia ka surok bah.