Kam ki ophisar ba biang ka iakren khappud ka Assam-Meghalaya

Shillong, 2 Jylliew:
Ki ophisar jong ka jylla Meghalaya bad ka Assam ki la kam ba ka jingiakren bad ka jingiai pyrshang jong kine ki ar liang mamla, ka long kaba biang ha kaba iadei bad ka jingiakajia pud.
Ka jingiai pyrshang ban iakren pynbeit pud hapdeng ka Assam bad ka Meghalaya ka biang, la ong u Chief Secretary ka Assam u Jitesh Khosla ha kane ka sngi Nyngkong ha nongbah Shillong hadien ba la iakynduh bad u Chief Secretary ka Meghalaya u Bah WMS Pariat. Ka Assam ka la shah kynnoh bunsien ba ka la wan tam pud sha Meghalaya.
U Khosla u la ong ba ka jingiaid shaphrang ka jingiakren halor ka jingpynbeit ia u pud u sam ka la iaid shaid shaid hynrei kane ka kam ym lah ban leh mardor ne pynbeit tang shi miet.
Baroh ar tylli ki sorkar ka Assam bad ka Meghalaya ki kwah ban pynbeit ia kane ka kam, bad la pyntreikam ruh ia ki lynti ha ki khappud ban wanrah ia ka jingiapynbeit ia ka jingiakajia.
“Baroh kine ki jylla ki don ki ophisar ban peit ia kane ka kam ha khappud”, u la ong bad bynrap ba kine ki ophisar kin iakynduh man ka por.