Pdiang ka Steering Commitee ia ka Clan bill ryngkat bad ki katto katne ki jing pynkylla

Shillong:Ki dkhot jong ka Steering Commitee ki Dorbar kur mynta ka sngi, ki la pynpaw ia ka jingpdiang jong ki ia ka clan bill jong ka KHADC ka ba la wanrah da u HS Shylla ha ka por ba u dang long kum u CEM ryngkat bad ka jingpynkylla ha ki katto katne ki bynta ha ka clan bill.Ia kane la iathuh da u Chairman ka SCDK, u bah K.Ryntathiang haba ia kren bad ki nongpathai khubor.

U bah Ryntathiang u la iathuh ba ia ka bill ba la wan rah da u H.S Shylla ha ka por ba u dang long kum u CEM ka KHADC ka don ka jingiatyngkhuh bad ka jingktah ia ki kur, hynrei mynta ka kynti ki wan ban pashat jingmut ia ki bill jong ka Distric Council bad la tyrsat ia ki katto katne ki jingpynbha.

Kine ki jing pynbha ki long hadien ba ka la bishar bha ia ka jinglong jingman ka rukom pyniaid ia ki kur ki jait ha Khasi Jaintia.
Ki khyndiat ki jingpynkylla ki long kat kum ka bill ka don ka central executive dorbar ki la pynkylla sha ka central excutive body, namar ki don ha ki jingialang jong ki kur kiba ai da central excutive commitee lane da ka Central excutive council.

Ha ka bill ka KHADC ka don ka “Duh ing” hynrei mynta ngi la ai noh da ka “iing iap duh” ia ka ing ba ym don khun kynthei ban ioh pateng.

Kaba batai shaphang u Khasi kat kum ka bill khasi u dei dei u Khasi, Pnar, Bhoi,War bad Lyngngam,hynrei ngi la pynbeit ba U Khasi u dei u Khynriam, uPnar,u Bhoi, u War bad u Lyngngam.
Kawei ka bynta ka “shongkha khleh” (Mixed Marriage)jong u Shynrang khasi ne ka kynthei Khasi bad kiwei pat ki jait bynriew ki bym dei u khasi.
Rangbah kur ki dei ki khlieh Rangbah kur ki ba lajied da ka dorbar jongka kur hi ban mih khmat ia ka kur. Ki kpoh ki pynlong ia ka kur bad khnang ban ym ktah ia ki rangbah jong ka kpoh la pynbud da u “Knii Rangbah” kiba la jied da ki kpoh hapoh ka kur.
“Sang” ki ba ia shongkha shikur lane para kpa kin long ka sang.
Ka “Tangjait” ka dei beit tang ia ki khasi tribe hi.
Ia ki rukom trei kam jong ki dorbar kur kan long tang ban da ioh ia ki jingmynjur tang na dorbar kur.
Halor ka jing weng jong u rangbah kur ka dei tang ka dorbar kur hi ka ba lah ban weng ia u.
Ia ka jingpynkylla jait ban khang shisyndon ia kiba pynkylla jait .
Ia ki kur Lyngdoh bad Syiem ki dei ban ai da pura ia ki ne ki jait ym dei tang ban ai tang Lyngdoh ne Syiem.
Lada ka long kmie ki la bud ia ki riti dustur jong kiwei ki jait bynriew kin ym lah shuh ban long ki khasi.