Ka seminar iada mariang ka MBDA bad skul Brookside

Shillong, 2 Jylliew:
Ka Meghalaya Basin Development Authority (MBDA) bad ka Brookside Adventist School bad ka Church of God School ki la pynlong ia ka seminar ne ka jingiatai ban iada ia ka jingpynjulor ia ka mariang.
Kine ki la pynlong hynne ka sngi Nyngkong kum shi bynta ban pyn khreh ia ka jingrakhe ia ka sngi iada mariang ban long ha ka 5 tarik Jylliew, 2014. Ka Meghalaya Basin Development Authority (MBDA) lem bad ka Forest Department ka sorkar Meghalaaya kan pynlong ia ka jingia phyl liew jingmut halor ki mat ba bun ha ka nongbah na ka bynta ban pynshai paidbah ia ka jingdonkam ka mariang bad ka jingjot jongka namar ka jingleh tam jong u briew.
Ki nongbatai ki long u Bah A. Suting bad u Bah B. Lyngdoh. Ha kane ka jingiatai halor ka mariang, la ioh ia ka lad ban iaphylliew jingmut bad ki khynnah skul ban pynpaw ia ka jingeh bad ki jingsngew jongki halor ka mariang.
La pyni ruh ia ki phlim documentary ia ki khynnah ban phah ia ka khubor halor ka mariang ban iada na ka jingjot.
Bun ki khynnah ki la ai jingmut ba dei ban sangeh ban phikir ia ka rukom pyndonkam ia ka plastic.
La pynlong ruh ia ka jingiakop halor ka phang ba la ai kyrteng ka “Eco-based Competition” . Ia kane ka phang halor ka mariang yn sa pyni bad leh kham janai ha ka State Convention Centre ha ka 5 tarik Jylliew.
Kane ka long ka kyrwoh na u Bah Mebanri Laloo ka Meghalaya Basin Development Authority (MBDA), Nongrim Hills.