Ha Manipur ia syllok ki rit paid

Shillong,1 Jylliew:
Ka North East India Indigenous Peoples Network (NEIIPN) ba kyn thup ia ka Meghalaya Peoples Human Rights Council (MPHRC), Naga Peoples Movement for Human Rights (NPMHR), Indigenous Women’s Forum of Northeast India (IWFNEI), Karbi Human Rights Watch (KHRW), Naga Women’s Union (NWU), Zo Indigenous Forum (ZIF), Sinlung Indigenous Peoples Human Rights organization (SIPHRO), Borok Peoples Human Rights Organisation(BPHRO) bad ka United Naga Council (UNC) bad kiwei pat ki seng kin sa pynlong ia ka jingiasyllok ba kyrpang ha Imphal, Manipur naduh ka 2 haduh 4 tarik mynta u bnai.
“Ka jingmut ba la pynlong ia katei ka jingiasyllok ka long ban sngewthuh ia ka hok jong ki rit paid, bad ruh ban wanrah ka jingiajan hapdeng ki jaitbynriew rit paid jogn ka thain shatei lam Mihngi ba kin tip ia ka hok kyrpang jong ki” ong u bah Dino D.G. Dympep, Convenor NEIIPN.