Ka NPP ruh kan tyrwa ia u kyrtong jongka ia ka shuki Speaker, ong U Conrad

Shillong: U Conrad K Sangma, myntri rangbah ka Jylla, um shym kyntait bad ka NPP ruh kan sei ia la u jong u kandidet, na bynta ka shuki lamphang dorbar Jylla.

“Kum ka party, ngi don ia la ka jong ka jingkhmih lynti bad kam don jingwit satia. Kano kano ka seng, ka don ia la ka jong ka hok bad ka jingangnud jongka, hynrei, ha kaba kut, kan dei ka rai ban shim lang ia u kandidet, uba ia mynjur lang jong ka seng MDA” ong U Sangma, uba dei ruh u lamphang jong ka kynhun MDA, haba kren ha ki kotkhubor mynta ka sngi.
U Conrad, ula pynthikna ruh mynta ka sngi, ba ia ka elekshon lamphang dorbar, yn pynlong ha kane ka dorbar, ka ban sa long shen ha U Nailur.
Ka NPP, ka don mynta ia U Timothy D Shira, uba dei u lamphang dorbar khynnah bad uba de ban shimti ban pyniaid ia ka dorbar Jylla, haduh ban da ioh ia u lamphang dorbar ba pura.