Shillong: Ka Khasi Students’ Union War Jaintia Circle ha ka 24 tarik mynta u bnai ka la pynkup burom da ka 2nd Maitshaphrang Academic Award 2019 sha ki samla pule ka thain War Jaintia kiba la pass bha ha ka exam SSLC bad HSSLC. Ka jingthmu jong ka seng ban sam ia kine ki khusnam ka long ban pynshlur bad ai mynsiem ia ki samla pule ka thain ba kin nang kiew sha ki kyrdan ba shajrong.
Ha kane ka programme la don ryngkat ka Madam J.U Kharpuri kaba long kongsan bad ha ka jingiadon ryngkat lang u Samla Readyonstone Nongrum Education Secretary Sengkmie, Samla Ruben Najiar General Secretary Laban Circle, Samla Shiningstar Kharbihkhiew President KSU Mawryngkneng Circle, Samla Pynshai Dkhar KSU NEHU Unit, Samla Ohibait Dkhar President JHDU, Samla Leningrad Tariang Organising Secretary JHDU, Samla Morningstar Pasi Assistant Publicity Secretary JHDU bad U Bah Lasting Lamin Gadew.
Ha shwa ban sam ia ki khusnam la pynlong shwa ia ka jingialang ba la pyniaid da u Samla Aurora B. Pamksang Assistant General Secretary War Jaintia Circle, la ioh ka jingkren maitphang lyngba u President Samla Laitphar Syngkrem, la ioh ka jingkren kyntu kynpham na u Samla Ohibait Dkhar, u Samla Readyonstone Nongrum ha kren u ai ka jingiaroh ia ki samla pule ka thain War Jaintia ha kaba ki la lah ban leh bha ha kane ka exam kaba mynta bad u kyntu ruh ba ym dei ban kut tang kumne dei ban nang trei shitom shuh shuh nangne sha khmat khnang ba phin ioh ban kheit ia u soh ba thiang jong ka jingjop. Na ka liang ka kongsan Madam J.U Kharpuri ka la ai jingiaroh ia ka seng kaba la lah ban pynlong ia kane ka 2nd Maitshaphrang Academic Award 2019 kaba long ka jingpynshlur ia ki samla pule ka thain War Jaintia, bad ka ong ruh kum ki samla kidei ban long adkar ha ka jingim jong ki khamtam ha ka jingpule namar ha ka juk mynta ki jingsniew ki dei kiba hajan tam jong ki khun samla khamtam ban kiar na ki jingdih pynbuaid namar bunsien kine ki jingkyrni ki wanrah ia ka jingjot ha ka jingim bad ha ka imlang sahlang.
Kiwei kiwei kiba ai jingkren ha kane ka sngi Samla Leningrad Tariang, Samla Ruben Najiar, I Bah Lasting L. Gadew bad Samla Shiningstar Khongiong Education Secretary War Jaintia Circle. Ia kane ka kyrwoh la phah da u General Secretary Samla Lurman B. Talang.
Phi don ban ong eiei?