Shillong: Ka jingshit jong ka Umiam, mynta ka sngi, ka poi sha ka 32.0 degree bad kumta, ka la dei kawei na ki sngi, kaba shit tasam sha katei ka thain bad lehse sha ka thain Ri Bhoi ruh kumjuh.
Ka jingkiew jong ka jingshit kaba 32.0 degree, kam ju kham jia ha Umiam bad kane kaba mynta, ka dei ha ka sien kaba ar jong u snem 2019, ha kaba kham mynshwa, ka la jia ha ka 6tarik Nailar 2019, ong ka khubor na ka tnat peit mariang jong ka sorkar India, ka Meteorological Department.
Ka jingshit ha Shillong, wat la kam pat da kiew eh, hynrei ka long 28.5 degree mynta ka sngi bad ka Sohra ruh, ka la kham shit hi, ha kaba ka poi sha ka 28.7 degree.
Lah donkam kyrkieh ban iada ia kane ka jingkiew kynsan ka jingshit da kino kino ki lad khnang ban lait ban shah ktah ia ka koit ki khiah ki briew lym kumta ngin sa mad ia ka lanot khait….lada ngim shim ki lad ki lynti ban iada katba dang biang ka por