Kylla maw jynthut ki trok kit rnga/dewiong ia ka leit ka wan ki paidbah sha Umiam

Shillong: Ka surok na Lad Umsaw Umiam kaba mih shaduh Mawmaram, West Khasi Hills, ka la kylla long tang ka surok jong ki trok kit dewiong bad rnga ha kaba da ki spah tylli ki iaid man ka miet.

Kine ki trok tang shu kem iongrein (kem dum) ka bneng, ha kaba naduh ki trok shiphew taiar bad ki dumper ki iaid khlem sangeh. Lyngba ka jingiaid ki ne ki trok ka surok ka la kylla thliew lut bad kane ka la pynlong kum ki mawjynthut ia ka iaid ka ieng ki paitbah, namar nalor ba ka surok ka long ka ba khim bad kaba sniew, ka la wanrah ruh ia ka jingsahkut kali ka ba la pynsyrtok shikatdei eh ia u paitbah ka thain Umiam.
Kumban shu pynkynmaw ka HANM Umiam circle, ka dang shu dep ujor ha ka ba iadei bad kane ka surok, namar tang shitaiew hadien ba ladep siang rong la lap tang ki thliew ki syar.