Jop ka Meghalaya 3 Gold, 3 Silver bad 3 Bronze ha ka 7th NE Zonal Shooting Championship

Shillong: Ka Meghalaya ka la jop 3 takma Gold, 3 takma Silver bad 3 takma Bronze ha ka 7th NE Zonal Shooting Championship kaba la long hapoh ka 4th Assam Police Battalion, Shooting Ranges, Kahilipara, Guwahati, Assam naduh ka 19tarik August 2019 haduh 23 tarik August 2019.

Ki nongiasiat baroh ha katei ka jingiakob jong ka 7th North East Zonal Shooting Championship, ki long 242 ngut ki nongiasiat (Target Shooters).

Hadien ka jingpynlong iaka state ranking Championship ha Shillong, ka Shooting Association of Meghalaya(SAM) ki la ioh ban jied katkum point kaba ki ioh (Score) bad phah 23 ngut ki nongiasiat shooters ( 9 Women shooters & 14 Men) bad na kitei Lai ngut ki dei ki junior shooters 2 kynthei & 1 shynrang.

Ha kane ka jingiasiat ka Shooting Association of Meghalaya (SAM) hapdeng ki jingeh baroh ki la lah ban jop Medal bad kaba nang ioh mynsiem ka long ba hynniew ngut ki nongiasiat na ka jylla Meghalaya ki long Balarishisha Rani, Anjali Singh, Toiabha Mylliempdah, Shirley M. Kharbuli, Pynkhraw Kharshiing, Uttam Sinha, Dennyson Kyrsian, ki la ioh ban poi sha ka point (score) kaba ki nongiasiat ki dei ban ioh [National Minimum Qualifying Score (MQS)] ban ioh ia shim bynta ha ki Nationals khamtam ha ka National Shooting Championship competition (63rd NSCC) kaban long ha Bhopal ha u bnai November 2019.

Kine harum ki long ki nongjop bad ki nongioh takma na ka jylla Meghalaya ha ka 7th North East Shooting Championship kaba la long ha Guwahati, Assam.

1. Balarishisha Rani – Gold in 25M Sports pistol (Women Senior) Balarishisha Rani – Bronze in 10M Air pistol (Women Senior)
2. Anjali Singh – Bronze in 10 M Air Rifle in MQS event Women. 3. Toiabha Mylliempdah – Gold in 25M Sports pistol (WomenJunior)
3. Shirley M. Kharbuli – Silver in 25M Sports pistol (WomenJunior)
4. Pynkhraw Kharshiing – Silver in 25M Center fire pistol (Men senior)
5. Walsall M. Momin – Bronze in 25M Center fire pistol (Men senior)

7 Uttam Sinha – Silver in 10M Air rifle ( Men junior)

1. Dennyson Kyrsian – Gold in 50M peep sight (Men Junior).

Ka jylla Meghalaya kumba ka paw ka don bun ki sap iasiat, hynrei namar ka jingduna ka jingbym don la ka jong ka jaka practice ka jaka pynkhreh iasiat ka long kaei kaei kaba pynkhia mynsiem.

Kumba ka long mynta ki nongiasiat na ka jylla Meghalaya ki donbok la kumno kumno ki ioh ban bat suloi ban practice iasiat teng teng ha ki sngi saitjain(Saturday) bad sngi u Blei (Sunday) ha kat ki por ki kynta ba mang bad ai ki bor pyniaid ka Assam Regimental Center, (ARC), bad ki nongiasiat bad ka Shooting Association of Meghalaya ki iai kyrmen ba ka jylla kan thaw ki lad ban pynbiang noh ki jaka ialehkai bad khamtam ban thied kham bun ki tiar iasiat competition pistol bad competition rifle kham kloi kum shibynta ban ioh sei ia ki sap kiba bun jong ka jylla kum ka lynti ban pynkhreh ia ka kynhun iasiat na ka bynta ka Meghalaya National Games 2022.