Ka Shnong Mawkaleng, kaba don rangbah shnong da U Nepali

Shillong: Ka Shnong Mawkaleng, Raid Namsha, ka don Rangbah Shnong, da U khar Nepali, uba kyrteng U PB Rai.

Katei ka dei ka shnong, kaba hap iaid lyngba ka Umsohlait. Ha katei ka shnong, la iathuh ba ki Nepali ki don kumba 30 iing tam eiei, ki khasi, ki don kumba 5 iing.
La iathuh ba ia ki kot ki sla, kiba iadei bad katei ka shnong, la ai da U Rai, ha kaba la iohi ha kawei ka nuksa ba ula ai syrnot ia ka Sonu Kumari Rai, ba ka dei ka nongshong shnong ba pura jong ka Iingsaw Mawkaling, Ri Bhoi District.