Pylliem ka St Edmund ia ka KL Bajoria ha ka phutbol ka NEHU

Shillong: Ka St. Edmund’s College ka la pylliem ia ka K.L.Bajoria College, da 5-4 kol da ka tie-breaker hadien ba la iakhaid 1-1 ha madan ha ka jingiakhun ka NEHU Inter College Football (Men) Tournament 2019.

Ha kajuh ka por, ka Mawlai Presbyterian College ka la shah pylliem ha ka St. Francis “D” Assisi College da 1-0.
Ka NEHU, Shillong ka la shah pylliem ha ka Jaintia Eastern College da 2-0.
Lashai ka jingialehkai kan long hapdeng ka St. Anthony’s College, Shillong v/s Mendipathar, K.L. Bajoria College v/s St. Francis “D” Assisi College.