Ka Congress, kan ia ai reng ia ka shuki lamphang dorbar, ong U Mukul

Shillong: U nongialam jong ka liang pyrshah u Dr. Mukul Sangma u la pynpaw ba ka party jong u ka la long ka ba kloi ban aireng na ka bynta ka shuki lamphang dorbar, kaba la sah thylli.

U la bynrap da ka ba ong ba ka party (Congress) kan don bun ki mat ki ba kin wan rah ha kane ka Assembly ka ba kynthup ia ka jingtih dewiong ha ka jylla, ki kam bam sap, ki jing duna ha ki kam pynroi bad kum juh ruh shaphang ki lanot ki ba pyndonkam ia u drug ha ka Jylla.

Ha ba kylli ia U Dr Mukul Sangma shaphang ka jing bamsap jong ka party ba synshar, u la ong ba ka BJP ka dei kawei ka party ba la shna ia ka sorkar MDA bad ka long ka jing leh rain ba ka party ka la shah kynnoh ia ka jing bam sap ha la ki jong hi briew.

Ka party BJP na Garo Hills dangshen ka la kynnoh ia ka Sorkar ba synshar ba kam lah ban wan rah ia ka roi ka par ha ki tei ki thain na ka daw ka jing bam sap jong ka Sorkar.