Shillong: Ki don shibun bah ki briew, kiba don ha ki bynta jong ka Mahendraganj, ha Zikzak block jong ka West Garo hills, kiba ioh ia ka jingpang niang dait, ong ka khubor.
Ki rangbah, ki kynthei, kiba ar met, naduh kiba heh, haduh kiba rit, ki ioh ia katei ka jingpang, la imat, kumba ka dei ruh kaba ia bit, namar ba ki don kiba ioh ia katei ka jingpang baroh shi iing.
Katei ka jingpang, la iathuh ba ka mih ha baroh kawei ka met, ha ki bynta jong ki shkor, ha ka met, ha ki tyrpeng bad kylleng.
Ka Sabnam Mohan Raj, kaba dei ka Director ka NGO Vasu, kaba na Guwahati, haba iakren bad U Rupang.Com, ka iathuh ba katei ka jingpang, ka la ia bit ia bun bah ki nongshong shnong jong katei ka thain bad ka iathuh ba katei ka jingpang, ka la don ha katei ka thain, la kumba ar snem eiei, namar ba ki don ki samla kiba trei kam suhjain bad ka, kiba don ia katei ka jingpang niang dait ha ka thain Mahendraganj, la kumba ar snem eiei.
Ka Sabnam, kaba na Guwahati, ka kren sngewkhia ruh ba ki briew ha katei ka jaka, ki long kiba duk, kiba im jaboh bad ka jingkwah jongka, ka long ba ki bor kiba peit ia ka koit ka khiah, ba kin peit mar mar ia kitei ki shem lanot.
Haba la kylli, la kitei kiba pang niang dait, ki la ioh dawai ne em, nangno nangno, ka Sabnam, ka ong “Ngam tip satia la ki don ne em kiba shah sumar, hynrei nga sngew artatien, ba lada ki don kiba ioh jingsumar, kumno katei ka jingpang, kan iai bteng mynta la ar snem tam eiei”. Ka Sabnam, ka ong shuh shuh ha ki katto katne ki iing “Ki don kiba ia ioh lut ia katei ka jingpang, ha kaba baroh shi iing, ki ia bit lut ia katei ka jingpang”.
Phi don ban ong eiei?