Sngewkhia u heh ka NITI Ayog, ba hiar ka ioh ka kot, ka bym ju jia ha ki 70snem ba ladep

U Rajiv Kumar Vice Chairman ka NITI Ayog, ula pynpaw ia ka jingsngew khia kaba jur haduh katta katta, halor ka jing hiar ka kamai kajih, ka siew ka tda, ka ioh ka kot ha kine ki sngi, ka bym pat ju jia ha ki 70 snem ba ladep bad u khot ia ka sorkar, ba kan leh eiei noh mar mar, ban pynwan dur biang ia ka ioh ka kot jong ka Ri.

“Kane ka dei ka jingjia, ka bym pat ju jia satia ha ka sorkar. Ha 70 snem ba ladep, ngim pat ju iohi ia kane ka jingjia, ha kaba ka jing tyllun ka pisa, kam don shuh satia bad ba ym don shuh ba nud ban iarap uwei ia uwei pat” ong U Kumar.
“Ha ka lain kam lajong, ym don shuh ba mih ban airam ne iarap uwei ia uwei pat bad baroh ki buh bha ia la ki jingdon jingem” ong U Kumar, hynnin ka sngi, ha ka jingialang. Ka sorkar, ka dei ban leh eiei noh mar mar ban pynduh ia kane ka jingkhuslai jingmut kiba trei kam lajong.
“Ka jingmih kine ki jingjia, ka dei ka jingsdang kaba la iaid ha ki saw snem ba ladep bad katei ka dei ka jing pynduh pisa, ka GST bad ka IBC. Mynshwa, phi lap ba ki don bun kiba pyniaid pisa ha iew, kaba long kumba 10, 20, 30, 35 per cent bad kane ka iarap shibun ban tyllun ia ka kamai kajih bad ka ioh ka kot jong ki paidbah, hynrei mynta kam don shuh” ula ong.