Shillong: U bah VGK Kynta, u riewsaid ba pawkhmat jong ka Jylla, ula leit rah myn hynnin ka sngi ha Meghalaya High Court, halor ka jingwah ia ki doh syiar, ha kaba la pyndem da khongpong ia kitei ki syiar ha ki lynti iaid kjat ha ki bynta bapher jong ka nongbah, kum ha Motphran, ha Iewduh bad ha kiwei de ki rud surok.
U Bah Kynta, ula ujor ruh ha kashari, halor ka jingjyllei jong ki nongdie madan, ha ki lynti iaid kjat ha ki bynta jong ka nongbah, ha kaba U SP Mahanta, uwei na ki riewsaid ba rangbah jong ka Jylla, u iahap jingmut bha halor katei ka jing ujor jong U bah Kynta.
Ha kawe pat ka liang, mynta ka sngi, ka la don ka jingiakren ha Meghalaya High Court, halor ka mukotduma, kaba dei halor ka ka jingkhuid jingsuba jong ka nongbah Shillong, ha kaba la leit rah da U SP Mahanta, uwei na ki riewsaid ain ba paw jong ka Jylla.
U Bah VGK Kynta, u riewsaid uba mihkhmat na ka Khasi District Council, u iathuh ha ka kashari, ba ka District Council, ka la nang iaid ia la ka jong ka bynta, na bynta ka khuid ka suba, da kaba ka la nang buh ia ki kyndon ban pynkhuid ia ki iew ki hat, kiba hap ha ki saw tylli ki District, kiba hap ha u pud u sam jongka.
La pyni ruh ha kashari, ia ka hukum, kaba la pynmih da ka Khasi District Council, ha kaba iadei bad ka Iewduh, kaba dei ban long noh ka iew, kaba ym lah shuh ban pyndonkam plastic, naduh ka 1tarik Nailur 2019.
Well done, May God bless you