Iakhaid ka District War Sepngi bad ka Brajbhoomi School, Gujarat

Shillong: Ka District War Sepngi Christian HSS (DWSC) na Dangar (Balat) ka la sdang ia ka lympung ïalehkai jong ka Subroto Cup Football ba la long ha nongbah Delhi hadien ba ka la lah ban ïakhaid mar ar kol pyrshah ïa ka Brajbhoomi International School, Gujarat, ha ka jingïalehkai ba dei jong ka Group H, ba la long hynne ka sngi Balang, ha nongbah Delhi.

Ïa ki kol ka District War Sepngi Christian HSS (DWSC) la thep da u Shaniahskhem Rangdkhew ha ka minit kaba 18 bad u Wansamlang Rynjah ha ka minit ba 28, katba ka Brajbhoomi International School ka la pynphai kylla ar kol da u Rudra Patel ha ka minit ba 36 & 49.
Ka jingïalehkai kaban wan kan long ha ka 23 tarik bad kawei pat ka kynhun kaba ki bor pynïaid kin sa pyntikna pat hadien ba la dep ban pynbeit thymmai ïa ka prokram ïalehkai jong kane ka lympung.