Shah byrngem pyniap u nongialam ka HANM

Shillong,29 Jymmang:
U Organising Secretary jong ka Hynnewtrep Achick National Movement (HANM) jong ka Jaintia Hills u samla Ency Shadap ha ka 17 tarik myn ta u bnai u la shah byr ngem pyniap ha u wei u briew uba kam ialade kum u Lucas Rymbai.
Na ka liang jong u Samla Shadap ha ka kyrwoh khubor u la iathuh ba ha ka 17 tarik mynta u bnai ha ka por 8.44 janmiet u la ioh pdiang ia kawei ka telephone bad ka message na u wei u number phone uba don ia u number +919720879665 bad u la maham ban pyniap ia u.
Ha kaba iadei bad kane ka jingshah byrngem pyniap na ka liang jong u samla Ency Shadap mar mar ha ka 19 tarik u la leit ban mudui noh da ka ejahar pyrshah ia u tei u Lucas Rymbai uba na ka shnong Pamra kaba don ha ki thain Lad Rymbai ha Khliehriat Police Station.
Na ka liang jong ki pulit ruh kila registar case pyrshah ia u tei u Lucas Rymbai ha Khliehriat PS case No .135(5)14 u/s 506Ipc.
Shuh shuh na ka liang jong u samla Shadap u la iathuh ruh ba hadien u la ioh ia katei ka jingbyrngem u la pyrshang ban phone kylla ia u tangba u khlem rah shuh ia ka phone bad ynda nga la phone da kiwei pat ki number u la shim bad nga la kylli ba phi dei mano na ka liang jong u la pynithuh ia lade ba u dei u Lucas Rymbai uba na ka thain
Ladrymbai hynrei u don ha Delhi na ka bynta ka jingpule.
Katkum ka ejahar ba la mudui sha Khliehriat Police Station la kdew ba u Lucas Rymbai u dei u khun jong ka Kong Victoria Rymbai ba na ka shnong Ladrymbai (Parma).
Shuh shuh na ka liang jong une u nongialam sengbhalang haba pyrshang ban wad ia ka daw halor ka jingshah byrngem pyniap u la phone biang ia u Lucas hynrei na ka liang jong u, u khlem iathuh na kaei ka daw kaba u la byrngem hynrei u la tim kylla da ka sih ka sang bad u la bthah ruh ia u (Ency Shadap) ba u dei ban wan sha Dawki bad lada jia ba ym wan sha Dawki na ka liang jong u Lucas un sa shu phah da ki briew ha ka jaka ba shong ba sah u samla Shadap iathuh une u nongialam sengbhalang.
Ha kaba ia dei bad kane ka jingshah byrngem jong une u nongialam jong ka HANM Jaintia Hills haduh ba thoh ia kane ka khubor na ka liang jong ki pulit kim shem pat la ioh ban kem satia ia u Lucas halor ka jing byrngem pyniap jong u ia une u nongialam jong ka seng HANM.