Ki nongshnongshnong jong ka shnong Ratacherra,East Jaintia Hills District kiba la shah pynduh syrnod shnong ne Residential certificate ha u Wahehshnong u bah D.Pohshna,myn ha ka 19 tarik u nailar ki la leit ban buh da ka shithi ujor ha ophis u Deputy Commissioner East Jaintia Hills District,kiba bun na ki ki dei ki khynnah skul kiba mut ban aplai Birth Certificate.
Kiba la shah pynduh syrnot ki kynthup u Guidance Mukhim,16 snem,uba mut ban aplai Birth Certificate,ka Satarday Nyalang kaba mut ban aplai Epic,u ma Ombli Suting,70 snem ka rta bad kiwei kiwei.
Ki la ïathuh ruh ba kim shym la ïohlad satia ban leh ïa ki Smart Card myn ha ka 16 tarik mynta u bnai,ha ka por ba ki briew sorkar ki wan ban pynrung kyrteng smart card hapoh shnong,namar ka jingbym ai jingthoh u Wahehshnong.
Kaba sngew lyngngoh ka long ba ki kmie ki kpa jong kitei ki khynnah ki don ka Epic ha Ratacherra Pooling Station katba ki khun pat kim ïoh ïa ka syrnod shnong na u Wahehshong.Kumjuh ruh u bah Ombli Suting u la ïathuh ba u don ka Epic,ka Land Holding,ka licence suloi kaba dei na shnong Ratacherra katba ïa ka syrnod shnong na u bah Desos Pohshna, wahehshnong pat um lah ban ïoh.
Ki la ïathuh ruh ba ki dang don shuh shuh ki briew kiba dei shisha ki nongshongshnong jong ka shnong Ratacherra ki bym shym la ïoh ïa ki syrnod shnong na u Wahehshnong.
Kane ka jingle utei u wahehshnong kala pynlynga haduh katta katta ïa kitei ki nongshongshnong kiba donkam ban ïoh ïa ka Residential Certificate na ka bynta ki kam ki jam ba ki dei ban pyndep.
Halor kane ka ujor,na ka liang ka ophis u Deputy Commissione myn ha ka 26 tarik u naitung 2019 ka la phah ïa ka shithi pan jingpynshai sha u bah D,Pohshna,Wahehshnong Ratcaherra ban pan jingpynshai na utei u Wahehshnong Ratacherra bad ong ba ‘katkum ka aiñ jong ka Jaintia Hills Autonomous District.
Smr Hun Ti
Phi don ban ong eiei?