Pynpait ka bor District ia u tala, ka HANM ba khang ia ka Toll gate Ialong

Jowai: Ka bor District West Jaintia Hills myn hynnin ka sngi ka la pynpait ia u Tala jong ka HANM kaba la khang ia ka Toll Gate kaba don ha Ialong naduh hyn shisngi.

Ki Pulit naduh u OC ka Jowai PS, IC ka Phramer bad ka Magistor ka kong D Jungai nalor u Manager ka Agency ba pyniaid ia katei ka Toll Gate, ki briew na ka NHAI nalor kiwei kiwei ki la leit lang mynta ka sngi.
Kum ban shu pynkynmaw ba ka HANM ka la khang tala ia katei ka Toll Gate lane ka khyrdop lum khajna na ka daw ka jingsniew u surok NH-6 naduh Dkhiah shaduh Malidor.
Naliang u nongmihkhmat ka NHAI haba kren sa ki lad pathai khubor, u la ong ba ia utei u surok yn maromot tang sangeh u slap.
Wat lada um treh ban kren sha ki lad pathai kubor namar ba um ioh bor, u la iathuh ba u project Manager u don ha Delhi bad un sa wan phai sha Shillong ha kine ki khyndiat bad un sa ai ia ka report halor kane ka jingdawa ki seng bhalang halor ka jingsniew utei u surok.