Shillong: Ka Seng Meghalaya People United Front, Central Governing body MPUF-CGB, hadien ba ka ioh ia shibun ki jing ujor na ki paidbah bad ka rukom treikam, ki nongtrei ka Jowai Civil hospital, kumta ka seng hynnin ka sngi, ka leit ban ia kynduh bad ki nong pyniaid jong katei ka hospital ban wad ia ki jingshisha.
Haba kylli na ki ia ka rukom bthah ka jong ki ia ki nongtrei, ban iarap iaki paidbah ba wan phah sumar ha katei ka hospital na ka liang jong ki nongpyniaid ki ong ba ki la bthah ia baroh ki nongtrei, ban iarap ia ki paidbah bad ruh ban burom ia ki paidbah ba wan phah sumar haka tei ka hospital. Hynrei kaba lyngngoh ba ka Seng ka ioh shibun ki jing ujor na ki paidbah ia ka rukom kren khlemakor bah leh ba heh ki nongtrei bad ruh ki khlem burom ia ki paidbah ba wan phah sumar ha katei ka hospital.
Na ka liang ka Seng ka maham jur ba nangne shakhmat lada, ka ioh ia ki juh ki jing ujor na ki paidbah, kan nym shong kli kti, hynrei ka seng kan leh da kaba tyngeh pyrshah ia uno uno lane kano kano, ki nongtrei jong ka hospital, pynkut ka kyrwoh na U Publicity & information secretary ka seng u samla H.Bhoi.
“NGA DANG KHMIH LYNTI BAN IOHI NA PHI, KABA KUMNO KATA KA AKOR KHASI..” Said to an old man once, when saw him throwing garbage in the veranda of the hospital.. Is that; 1. Kren khlemakor 2. Leh baheh, or 3. Khlem burom..?