Ka eksamin pule doktor, yn leh da ka sorkar Jylla: DHS

Shillong, 28 Jymmang:
Hadien ba la mih ki khubor kaba la wanrah ia ka jingsngew artatien ia ka jingpynlong ia ka eksamin ban ioh pule doktor
ne entrance test, u Director jong ka Health Services (MI) ka sorkar jylla u la pynshai paidbah ba ka jingpynlong ia ka eksam pule Doktor MBBS/BDS ka dei katkum ka jingbthah ba la ioh na ka sorkar pdeng.
Ha ka jingpyllait khubor mynta ka sngi u Director, u la ong ba kane ka dei ka jingpynshai hadien ba la mih ki khubor ha kine ki sngi ba la
pynlong ia ki paidbah ba kin sngew artatien ia ka jingpynlong eksam. Ka tnad ka khoit ka khiah ka sorkar pdeng ka la pynmih ia ka jingthoh ha ka 27 Rymphang 2014 kaba batai ba ka jingjied ia kito ki ban ioh pule doktor na ka bhah Central pool yn jied da kaba pynlong da ka entrance test ban pyniaid da ka sorkar jylla. Lada ka sorkar kam shym la pyn long ia kane ka eksam, ka jingjied ia kito kiba pule doktor yn shim na ki marks ba ki ioh ha ka All India Pre Medical Entrance Test (AIPMT) ba la pyniaid da ka CBSE.Ia ki marks jong ki khynnah pule yn nym khein shuh na ki eksam ba ki pas ha ka 10+2, la pynshai u Director ka DHS ha ka kyrwoh ba la pyllait mynta ka sngi Balang. Halor kane ka nongrim ka sorkar jylla lyngba ka tnad DHS hadien ba la pyrkhat sani bha ka la rai ban pynlong ia ka State Medical Entrace
Test la ong u Director bad la bynrap ba ka eksam kan sa long shen.