Da ka jingdro kaba 85metre, ka jingheh; tyrwa U Stefan ia ka Heidi

Ka jingieid ka don la ka jong ka jong ka jingthew jongka bad na ka bynta jong U Stefan Cahill (25), u don da kawei ka jingmut, na ka bynta ban pynshoh jingmut ia kaba ieid jongu, ka Heidi (23).

U Cahill, 25, ula buh ia ka jingtyrwa jingieid ia ka Heidi, 23, ha ka jing ia leit kai jongki arngut hi ha kawei ka madan shyiap ha Brean Down, Somerset, ong ka khubor jong ka The Sun.

U Cahill, ula aiti kyrpang ia katei ka kam, ha uwei na ki nongdro uba triem bha, U Simon Beck, ba un thoh ia ka jingthoh ha ka jingheh kaba 85 metre, ba kan long kaba shai bad kaba phalang bha, wat lada peit naduh na jngai ruh bad U Cahill, u kwah ba ka jingmut jing pyrkhat jong ka Heidi, kan shat shwa da ki khmat jongka hi, ha shwa ba un dep khohsiew bad ban tyrwa ia ka jingieid jongu sha katei ka samla.

“Nga kwah ban leh ha ka rukom kaba kham phylla bad kumta, haba nga thmu ban tyrwa ia ka jingieid jongka sha ka Heidi, nga ioh da ka jingmut, lyngba ki jingdro ba itynnad bad kiba yn dro da U Simon” ong U Cahill.