Dawa ka KSU Nartiang, ban iarap ia ka longiing ba la shah pynjulor

Shillong:Ka Khasi Student Union Nartiang Modop Unit ka la dawa na ki bor sorkar ban pynioh jingiarap ia kawei ka longiing na ka shnong Nartiang Pohshnong ha kaba ka iing jong ki kala pynjulor haka jingtwa jong ka khyndew ha ka 11tarik Naitung 2019.

Katei ka longing kaba mad iakatei ka jingeh ka dei jong ka Kong Dun Myria kaba shong ba sah ha Nartiang Pohshnong West Jainta Hills.

Ka KSU ka la ong ba wat la katei ka jingshah pynjulor jong katei ka iing ka la jia la palat shibnai eiei ruh, hynrei kaba phylla ka long ba wat haduh mynta ruh naka liang ka bor sorkar kam pat iarap eiei ruh.

Kumta na ka liang ka seng ka la dawa na ki bor sorkar ban iarap iakatei ka longiing khnang ba kin lah ban pynshna biang ia ka iing shong jong ki.
Hakajuh ka por naka liang ka Seng kum shibynta ban iarap lem iakatei ka longiing kumta haka 14 tarik mynta u bnai, ka Seng ka la lah ban noh synniang kat ibor barit jong ka da ki marbam mardih bad ki tiar ki tar.