Ka Sonia ka la pass aiu, ba ka khlieh ia ka UPA:BJP

New Delhi,
28 Jymmang:
Mynta ka sngi, ka BJP, ka la khyrwit kylla ia ka Congress, halor ka jingkynthoh jong U Ajay Maken, ia ka kyrdan pule jong ka Smriti Irani, kaba dei ka myntri jong ka tnat pule puthi jong ka sorkar India.
“Kaei ka kyrdan pule jong ka Sonia Gandhi, haba ka nud ban khlieh kat ia ka sorkar UPA” ong ka Uma Bharti, kaba dei ka myntri ban peit ia ka umbam umdih jong ka sorkar India.
“Ka Sonia Gandhi, ka dei ban bthah ia ki MP jongka, ba kim bit ban pynmih ia kiba kum kitei ki jingkren” ong ka Uma Bharti. Hynnin ka sngi, u nongialam jong ka Congress, U Ajay Maken, ula kynthoh ha ka twitter jongu, da kaba ong “Kaba kum kaei ka cabinet jong U Modi, ka myntri HRD, kaba peit ia ka pule puthi, kam pat dei wat tang ka graduate. Peit ia ka affidavit jong ka, ha ka ECI site pg 11” ong U Maken. Ha ki kot ki sla jongka, ka Irani, ka pyni, ba ka leit ha ka Bachelor of Commerce Part-1, School of Open Learning (Correspondence), University of Delhi-1994, lane kaba pyni, ba ka dang shu sdang ban pule ha ka snem kaba nyngkong jong ka Commerce.