Plie U MR ia ka Umshing Mawkynroh Outpost

Shillong: Ryngkat bad ka Mawlai by-pass mynta ka sngi u Myntri Rangbah u la plie ruh ia ka Mawlai PoliceFirst Responder Bikers” Outpost ha Umshing Mawkynroh bad ki “First Responder Bikers”.

Ia kane ka police out post la dep shna la slem, hynrei la shuh la iehteng khlem da pyntrei kam mynta la shiphew snem naduh ba la tei ia kane ka iing.

Ha dien ba u myntri rangbah u la soi nyngkong ia ka register jong kane ka police out post, u la kren ha ki pulit kiba dei ban trei ha kane ka jaka ha kaba u la ong ba ki dei ban kynmaw ba ka jingdon jong ki ka long ban iarap ia ki paidbah.

U myntri rangbah ka jylla u la pyllait paidbah ruh ia ki 14 tylli ki bike ia kiba la tip kum ka “First Responder Bikers” ba dei jong ka tnad pyniaid kali. Kine bike ki long na ka jingtrei kam kaba shispah sngi jong ka sorkar kaba la buh thong da u myntri rangbah ka jylla.

Kine ki Bike kiba la pyllait mynta ka sngi ka long ban iarap ia ki pulit na ka bynta ban pyniaid ia ki kali, ha ka juh ka por ban iarap ia ki briew kiba ngat ha ka jingtyngkhuh kali bad kiwei kiwei ki jingdon kam jong ki paidbah, wat ban iarap ban pynpoi iaki briew sha ki jaka ai jingsumar.