Na Pohktieh, ioh kem GNLA ki pulit

Shillong,28 Jymmang:
Hadien ba ki pulit ka nongbah ki la ioh jingtip kaba thikna na ki bor syntiat shaphang ka jingdon ki dkhot ka GNLA hangne ha nong bah Shil long, mynta ka sngi ki la pynlong ka jingkhynra kaba jur ha kylleng ki jaka ka nongbah Shillong.
Ha katei ka jingleit khynra , ki pulit ki la ioh kem ia u Tuseng S Sangma, 22 snem karta uba na ka shnong Bokhongre Phulbari, West Garo Hills. La kem ia u ha ka por 5:30 baje janmiet na kawei ka ing na Pohktieh. U SP ka East Khasi Hills u bah M.Kharkrang u la iathuh ba utei u dkhot ka GNLA u dei uba la phah da u Baichung, Area Commander ka West Garo hills.
Na utei u lehnoh ki pulit ki la ioh kurup 11 tylli ki mobile kiba la thmu ban pynpoi sha ka GNLA, ka pisa T.17,500 tyngka bad ki jain phong ki shipai commando. Ka jingtohkit ka dang iaid shakhmat , iathuh ki bor pulit.