U Arun Jaitley, myntri pla pisa barim ka sorkar India, ula leit shah sumar ialade ha AIIMS, naduh ka 9tarik mynta u bnai bad la iathuh ba u don ha ka jingshitom kaba jur, wat la u lait na ka jingma, ong ka khubor.
Hynnin ka janmiet, U Amit Shah, myntri kam poh iing bad U Harsh Bardhan, myntri ka koit ka khiah, ki la leit jngoh ia U Jaitley (66), uba don ha ka jingshah sumar hapoh ka Intensive Care Unit (ICU).
La iathuh ba U Jaitley, u don ka jingpang kaba shitom ban ring bad pynhiar mynsiem, nalor kiwei pat ki jingpang. U President Ram Nath Kovind, ruh ula leit jngoh ia U Jaitley ha katei ka Hospital.
U Jaitley, um shym la don ka met kaba koit ba khiah, naduh u snem ba ladep, ha kaba ula leit shah sumar ialade sha America bad um shym la lah satia ban leit rah ia ka mang tyngka jong ka sorkar India, ha u bnai rymphang ba ladep.
Phi don ban ong eiei?