Shillong: Ka seng Kshaid youth Development Association, Kshaid Khatarshnong kum shi bynta ban rakhe ia ka sngi laitluid ba 73 ka Ri, ka la pynlong da ka jingialehkai football ba 2 sngi kata ha ka 14 bad 15tarik Nailar, 2019 na ka bynta ki khynnah Under -14 bad Rangbah, ba la ai kyrteng “1st Independence football tournament inter Block /Dong “.
Ha ka jingialehkai final ha ka kyrdan ki khynnah Under -14 snem kaba la long ha ka 15tarik, tarik por 1 :30 pm ka Team C hapoh ka jingialam (captain) u heprit John sohkhlet ka la lah ban pynliem ia ka Team B ba la Ialam da u heprit Michael Buhphang da 5-4 goal lyngba ka tie breaker.
Haba phai sha katei ka jingialehkai ka long kaba iakhaid bha ha kaba hapdeng ka jingialehkai ha ka por ba la buh kine ki ar team ki la ia khaid da 2-2 goal ha kaba na ka liang ki Nongpyniaid kin hap ban rah sha ka tie breaker ban rai ia ka nam nongjop.
Ha ka jingialehkai final jong ki Rangbah kaba la long ha ka por 3:00 baje nohsngi, ka Team D ba la ialam (captain ) da u samla Planmarshan Diengdoh ka la pynliem suk ia ka Team C ba la ialam da u samla Banker Buhphang da 4-0 goal. Ki player na ka Team D ba la ioh pynkhih jar ki long: – U samla Luckystar Diengdoh 2 goal. , U samla Planmarshan Diengdoh 1 goal bad U samla Chesterfield Diengdoh.
Ha katei ka sngi la sam ia ki khusnam sha ki ki nongjop da U samla Kemister Lubri Organising Secretary kshaid youth Development Association.
Phi don ban ong eiei?