Shillong: Ka jingialehkai phutbol ia kaba la tip kum ka 9th Cash Prize Money ia kaba la pyniaid da ka Mowpynyein Social Cultural & Sport Organisation mynta ka sngi ka la ioh ban sdang noh iaka bynta jong ka Round Ba ar (Second Round) daka jingiakhun hapdeng ka BK FC pyrshah ia ka Tpepswer SC.
Kane ka jingialehkai ka long shisha kaba itynnad ha kaba ki team baroh arliang ki la iakhun dohiap ban ioh iaknieh ban rung sha ka Quarterfinal.
Ha ka jingiakhun kaba jwat, ka kynhun jong ka Tpepswer SC kala ioh ban thep iaka kol kaba nyngkong jong ka haka kylla miet ha ka minit kaba 40 lyngba u Heimon Dkhar, bad iaka kol kaba ar pat la ioh ban thep da u Leonardo Dkhar haka minit kaba 53 .
Na ka liang u President ka MSCSO u samla Shaniah shkem Dkhar, ula pyntip ba ka jingiakhun Second Round kaba bud kan long hapdeng ka Wapungtre FV pyrshah ia ka Wallam FC ha ka 17tarik Nailar 2019 ha ka por 2:30 PM.
Phi don ban ong eiei?