Khang kudam ka FCI ba shah dawa pisa ki nongtrei

Shillong,27jymmang:
Ka kudam ka Food Corporation of India (FCI) kaba don ha William nagar ka la khan glut ha dien ba ki nongtrei kate ka tnad ki la shah dawa pisa na ki kynhun seng lehnoh kiba la sam shithi dawa pisa sha ki. Katei ka jing iakhang kudam ka FCI ka la sdang naduh ka 20 tarik mynta u bnai , bad katei ka jingkhang ka la don ka jingeh ioh ba kan ktah ia ka jingsam khaw sha katei ka thain.
U Deputy Commissioner ka East Garo u Vijay K Mantri u la pynthtikna ia katei ka jingshah dawa pisa ki nongtrei ka FCI , bad u la kular ba na ka liang jong ki bor pyniaid district kin pynthikna ban iada ia ki nongtrei jong katei ka tnad. “Ngi la kular ban ai jing iada ia ki nongtrei ka FCI da ki kynhun jong ki CRPF bad ki pulit, la hukum ruh ia u SP bad la pynthikna ia ki bor pahara ha ki kudam” ong u Mantri uba la kyntu ia ki nongtrei ba kin leit sha jingtrei jogn ki bad ban ym don shuh ka jingtieng. U DC u la iathuh ba ym dei tang ki nongtrei ka FCI kiba la shah dawa pisa hynrei ki nongdie dukan ruh kumjuh ki la ioh pdiang ia ki shithi dawa pisa,
Ki nongdie khaw rashon katei ka thain kiba thmu ban kit khaw sha la ki shnong ban sam sha ki paidbah ki don hapdeng ka jingsyier ban leit sei khaw na kudam, iathuh ki lad khubor.