Sospon ka KSU Mawlai ia u dkhot

Shillong,27 Jymmang:
Ka KSU Mawlai Circle ha ka Executive Committee jong ka kaba la long dang shen ka la shim ia ka rai ban sospon shisnem ia u dkhot jong ka u Wanstep Dkhar ( Maji) na ka daw ba ka seng ka la lap ba u leh shutia mutia ha ki kam pisa tyngka. Utei u samla u dei u Finance Secretary barim ka seng. Ka KSU ka la kyntu ia ki nongsynniang met bad mynsiem jong ka Circle ba kin shim ia kane kum ka jingpyntip, bad ban husiar ha kaba iadei bad ki kam pisa tyngka. Ka EC ka kyntu kyllum lang ia baroh ki dkhot na ki Unit jong ka Mawlai ba kim dei ban shim kabu ba ka jingwan rung dkhot ne ka jingshakri Ri bad Jaitbynriew (KSU) da kaba buh ia ka myntoi ma lade hakhmat, hynrei to ai ba ka jaitbynriew kan iaid hakhmat ha kiei kiei baroh, bad kiwei kiwei pat kin iaid shadien.