Ka pan pisa ban thied dawai T.30, ka ioh da ka triple talaq

Hapur (UP): Tang namar ba ka tnga, ka pan pisa ban thied dawai T.30, u tnga jongka, ula ai noh da ka triple talag ia la ka jong ka tnga.

Katei ka jingjia, ka dei ha Hapur jong ka Jylla Uttar Pradesh bad ka la jia la ar sngi mynta, ong ka khubor.
Kitei ki shi tnga, ki la ia poi kha la lai snem mynta bad u tnga, ula shimti noh ia ki khun halade bad ula beh noh ia ka na iing, ka la ujor sha ki pulit.
“Nga pan pisa T.30 ban thied dawai bad u tnga jongnga, ula bitar ianga bad mar kumta hi ula ai syndon da ka talaq lai sien lai wat bad mar kumta, kiba ha iing jongu, ki la beh noh ianga na iing” ka la ong.
Ka ain ban pynduh ia ka triple talaq lane The Muslim Women (Protection of Rights on Marriage), Bill, 2019, ka la trei kam naduh ka 1tarik Nailar 2019 bad kiba pynkhein ia katei kin shong patok, na ka bynta lai snem kynthih.