Pynrem ka kur Syiemiong Hima Nongspung ia ka kur Syiemlieh

Shillong:Ki riew rangbah jong ka kur Syiemiong mynta ka sngi ki la wan ban pynpaw ia ka jing pynrem jur ia u Kyntiewborlang Syiemlieh, halor ka jing kam ba ka kur Syiemlieh ruh ka dei ka jait ka ba lah ban long Syiem, hynrei na ka liang jong ka kur Syiemiong, ka la ong ba na ki kot ki sla ka jing iathuh khana pateng ba ki kur syiemlieh kam dei ka jait ba lah ban long Syiem kum ba la kam da u Kyntiewborlang Syiemlieh, ong U Bah Elingser Syiemiong President jong ka kur Syiemiong.

Na ka liang U bah Bantei Syiemiong, u la ong ba ka liang ka kur Syiemiong ka pan ia ka jing pynshai halor ka jing pynmih khubor jong ha ka 29 tarik u Naitung 2019 ka ba ong “Hadien da ki spah snem shimti ka kur syiemlieh ban synshar ia ka Hima Nongspung bad ka jing pynmih khubor jong u bah A.Siemlieh ha ka 1tarik u Nailar 2019 ka ba ai khublei ki kur Syiemlieh Nongspung basah ha Shillong ia ka KHADC”. Kumta na ka liang ka kur Syiemiong ka la buh ia ki jingkylli ia ka kur Syiemlieh bad ia u Kyntiewborlang Syiemlieh bad ia u A.Syiemlieh, hato don mo na ki kur Syemlieh kiba la long teng kum kita ki Syiem ki ba la synshar ia ka Hima Nongspung kiba dei na ka kur Syiemlieh. La ong shuh shuh, ba ka KHADC barabor ha ba ka thung nong synshar u bym dei u na ka kur long iing Syiem la ju ong acting chief, hynrei mynta ka ai ia u kum acting Syiem kumba ka la paw ha kot khubor bad halor ki tei ki jing kylli la kwah eh ban ioh iaka jingpynshai.

U Bantei u la bynrap da ka ba ong “Ngi na ka liang ka kur Syiemiong ngi don ha ka jing sngewlyngngoh bad sngew phylla halor katei ba ngim ju tip bad bna eiei ba ju don na ka kur syiemlieh kiba ju long Syiem ha ka hima nongspung. Ki long swa mynshwa ki ju iathuh ba dei tang na ka kur syiemiong ki ba ju sei ia uno uno u briew u ba na ka kur Syiemiong u ba la ibit bad phah ia ka kyrteng jong u sha ka KHADC lyngba ka san Lyngdoh kiba dei ki nong jied syiem jong ka hima Nongspung.”