Da ki lak ngut, ki la shong khlem kam, ba hiar kynsan ka iew die kali

Ka jinghiar jong ka iew die kali ha kine ki sngi, ka la pynmih ia ka jing duh kam jong kiba bun ha kylleng ka Ri bad shibun ki karkhana shna kali, ki la dei ban khang noh ia ki jaka trei kam jongki lane ban weng noh ia ki nongtrei jongki.

Kat haduh mynta, la iathuh da ki karkhana pyniaid kali sha ka Reuters, ba naduh U Iaiong haduh mynta u bnai, ki la don 3,50,000ngut ki briew kiba la duh kam, na ka jing bym iaid iew shuh, ka kam die kali naduh U Iaiong 2019.

La iathuh ba kito kiba dei beit ia ka kam thaw kali, ki la weng ia 15,000 ngut ki nongtrei jongki, katba ki don sa 100,000 kiba thaw ia kiwei pat ki tiar, kiba iadei hi bad kam pynmih kali kiba la duh kam ha kine ki khyndiat bnai ba ladep.