Rai ka sorkar India, ban weng ia ka article 370 na Jammu Kashmir, yn phiah ha ar tylli ki Jylla rit

U Amit Shah, myntri kam poh iing ka sorkar India, ula pynbna mynta ka sngi ha Rajya Sabbha, ba ka sorkar India, ka la rai ban weng noh ia ka article 370 jong ka riti synshar Ri, kaba ai ia ka bhah ba kyrpang ia ka Jammu and Kashmir.

Ka sorkar India, ka la rai ruh ban pyniakhlad ia ka Jylla, ha ki ar tylli ki Jylla rit bad kitei ki kynthup ia ka Jammu and Kashmir, ka ban don bad ka dorbar Jylla, katba ka Ladakh, kan dei kaba khlem ka iing dorbar Jylla.

Mar ia pynbna U Shah, ia katei ka rai jong ka sorkar India, ka la mih ka jing ia hylal bad kyrkait, kaba jur ha ka iing dorbar jong ka Rajya Sabbha, ha kaba ki liang pyrshah, ki la tur shapdeng jong ka iing dorbar, kum ka jing sngew pyrshah bad khanglad ia ka jingthmu jong ka sorkar India.